नेपालको सबैभन्दा दुर्गम तथा चिसो क्षेत्रहरूमध्ये एक माथिल्लो मुस्ताङस्थित लोवो न्यिफुग नामड्रोल नोर्बुलिङ मोनास्टिक स्कूलमा अध्ययनरत युवा भिक्षुहरूलाई जाडो सामग्री वितरण गरिएको छ। उक्त गुम्बा ङिङ्मा सम्प्रदायसँग सम्बन्धित पुरानो तथा ऐतिहासिक गुम्बामध्ये एक मानिन्छ।
यो गुम्बा टिबेट सीमा नजिक अवस्थित रहेको छ भने मुस्ताङको राजधानी लोमन्थाङबाट पनि नजिक पर्ने गुम्बाको रूपमा परिचित छ। अत्यन्तै कठोर हिमाली मौसममा बसोबास गर्दै अध्ययन गर्ने युवा भिक्षुहरूका लागि जाडो ज्याकेट, टोपी, टूथब्रश र टुथपेस्ट वितरण गरिएको हो।
उक्त जाडो ज्याकेटसहितका सामग्रीहरू सिंगापुरस्थित Dzogchen Yeshi Choeling Buddhist Society, Singapore (Zwen Dharma Fund) को प्रायोजनमा उपलब्ध गराइएको हो। यस सहयोगले उच्च हिमालयी क्षेत्रमा अध्ययनरत धेरै युवा भिक्षुहरूलाई न्यानोपन, सहजता र मुस्कान प्रदान गरेको आयोजकले जनाएको छ।