रामेछाप । नेपाली कांग्रेसको १५औँ महाधिवेशन नजिकिँदै गर्दा रामेछापमा केन्द्रीय महाधिवेशन प्रतिनिधिका लागि उम्मेदवारी घोषणा गर्ने क्रम सुरु भएको छ। यसैक्रममा उमाकुण्ड गाउँपालिका–३ रामेछापका क्षेत्रीय प्रतिनिधि प्रकाश कटुवालले केन्द्रीय महाधिवेशन प्रतिनिधि पदमा आफ्नो उम्मेदवारी घोषणा गर्नुभएको छ।
कटुवालले रामेछापका सम्पूर्ण महाधिवेशन प्रतिनिधि, पार्टीका अग्रज नेता तथा युवा पुस्ताका साथीहरूसँग आफ्नो उम्मेदवारीबारे जानकारी गराउँदै सहयोग, समर्थन तथा अमूल्य मतका लागि आग्रह गर्नुभएको छ।
उहाँले नेपाली कांग्रेसको १५औँ महाधिवेशनमा केन्द्रीय महाधिवेशन प्रतिनिधिका रूपमा आफूलाई अघि बढाउने निर्णय गरेको बताउनुभएको छ। उम्मेदवारी घोषणा गर्दै कटुवालले पार्टीका सम्पूर्ण प्रतिनिधिको साथ, सहयोग र विश्वास प्राप्त हुने अपेक्षा व्यक्त गर्नुभएको छ।
कटुवालले रामेछापका अग्रज नेता, युवा पुस्ता तथा महाधिवेशन प्रतिनिधिहरूको साथ र समर्थनले आफूलाई महाधिवेशन प्रतिनिधिका रूपमा निर्वाचित हुन थप हौसला मिल्ने बताउनुभएको छ। उहाँले आफ्नो उम्मेदवारीलाई समर्थन गर्दै अत्यधिक बहुमतका साथ विजयी गराउन सम्पूर्ण प्रतिनिधिसमक्ष आग्रह गर्नुभएको छ।
पार्टीको संगठनलाई थप सुदृढ बनाउने तथा आगामी दिनमा नेपाली कांग्रेसका गतिविधिमा सक्रिय भूमिका निर्वाह गर्ने उद्देश्यसहित आफूले उम्मेदवारी दिन लागेको कटुवालको भनाइ छ। पार्टी संगठनलाई स्थानीय तहदेखि जिल्लासम्म थप मजबुत बनाउन तथा कार्यकर्ताको भावना र अपेक्षालाई केन्द्रसम्म पुर्यािउने भूमिकामा सक्रिय रहने उहाँले बताउनुभएको छ।
उमाकुण्ड गाउँपालिका–३ का क्षेत्रीय प्रतिनिधिसमेत रहेका कटुवालले आफूलाई केन्द्रीय महाधिवेशन प्रतिनिधिका रूपमा निर्वाचित गराउन रामेछापका सम्पूर्ण महाधिवेशन प्रतिनिधिसँग सहयोग र समर्थनको अपेक्षा गर्नुभएको छ।
नेपाली कांग्रेसको १५औँ महाधिवेशनको तयारी अघि बढ्दै जाँदा विभिन्न जिल्लामा महाधिवेशन प्रतिनिधि तथा अन्य पदका आकांक्षीहरूले आफ्नो उम्मेदवारी सार्वजनिक गर्न थालेका छन्। रामेछापमा पनि पार्टीको आन्तरिक निर्वाचनलाई लक्षित गर्दै विभिन्न पदमा आकांक्षीहरूले आफ्नो दाबी प्रस्तुत गर्न थालेका छन्।
यसैक्रममा कटुवालको उम्मेदवारी घोषणाले रामेछापको कांग्रेसभित्र महाधिवेशन प्रतिनिधि चयनलाई लिएर हुने प्रतिस्पर्धा थप रोचक बन्ने देखिएको छ। अब महाधिवेशन प्रतिनिधिहरूबीच उम्मेदवारका एजेन्डा, संगठनप्रतिको प्रतिबद्धता र पार्टीभित्रको भूमिकाबारे छलफल बढ्ने अपेक्षा गरिएको छ।
