रामेछाप: उमाकुण्ड गाउँपालिकामा आर्थिक बर्ष २०८१/०८२ को प्रथम चौमासिक प्रगति विवरण सहित स्थानीय स्तरमा विपद व्यवस्थापन तथा वातावरण संरक्षण सम्बन्धि अन्तरक्रिया र विविध विषयमा सहजीकरण कार्यक्रम सम्पन्न भएको छ ।

जिल्ला समन्वय समिति रामेछापका प्रमुख चिना कार्की खड्काले इलाका प्रशासन कार्यालय उमाकुण्ड गाउँकार्यपालिका केन्द्र मानै उपयुक्त स्थान हुने भएकोले यहि आसपासमा ल्याउनको लागि प्रतिबद्धता व्यक्त गरेकी छन । कार्यक्रममा बोल्दै गाउँपालिका अध्यक्ष शेर बहादुर सुनुवारले इलाका प्रशासन मन्थलीमा बस्दा नसुहाएको भन्दै चाडै उमाकुण्डमा ल्याउनको लागि आफु पनि लागि परेको बताए । कम्तीमा उमाकुण्डमा नै इलाका प्रशासन स्थापित भए यहाँका जनताले मन्थली जान पर्ने बाध्यता हट्ने उनले बताए । जिल्लाको अन्तिम र दुर्गम क्षेत्र भएकोले इलाका प्रशासनमा कसैले राजनीतिक चलखेल गर्नु नहुने उनले बताए ।
उमाकुण्ड गाउँपालिका प्रबक्ता एवं उमाकुण्ड ७ का वडा अध्यक्ष रुद्र मणि नेवारले उमाकुण्डमा सबै जनप्रतिनिधि कर्मचारी मिलेर उमाकुण्ड समृद्ध बनाउनको लागि मिलेर काम गर्दै आएको प्रितीबाट मणिराज सुनुवारले बताए ।

निर्वाचित हुदा फरक फरक दलबाट आएपनि कसैलाई भेदभाव नगरि समानुपातिक रुपमा काम गरेको बताए । उमाकुण्ड गाउँपालिका निमित्त प्रमुख प्रशासकीय अधिकृत सुबोध निरौलाले आ.व २०८१/०८२ मा शाखाहरुमा हुदै आएको र सम्पन्न भैसकेको कार्यक्रम ,योजना , कामको गतिविधिहरु प्रस्तुत गरेका थिए ।

जिल्ला समन्वय समिति रामेछापको आयोजना मा भएको कार्यक्रम उमाकुण्ड गाउँपालिकाले समन्वय गरेको हो । जिल्ला समन्वय समिति रामेछापको उपप्रमुख प्रेम थापाको अध्यक्षतामा भएको कार्यक्रम प्रमुख अतिथि जिल्ला समन्वय समिति रामेछापका प्रमुख चिना कार्की खड्का , विशिष्ट अतिथि उमाकुण्ड गाउँपालिका अध्यक्ष शेर बहादुर सुनुवार , निमित्त प्रमुख प्रशासकीय अधिकृत सुबोध निरौला ,उमाकुण्ड गाउँपालिकाका प्रवक्ता रुद्र मणि नेवार , सबै वडाका वडा अध्यक्ष , सम्पुर्ण शाखाका कर्मचारी वडाका कर्मचारी हरुको उपस्थिति रहेको पनि प्रितीबाट मणिराज सुनुवारले बताए ।