सोलुखुम्बु:ग्रामिण क्षेत्र विकास प्रवद्र्धन प्रा.लि. सोलुदुधकुण्ड नगरपालिका ५ सोलुखुम्बुको आयोजना तथा लिखुपिके गाउँपालिकाको आर्थिक सहयोगमा सोलुखुम्बुको लिखुपिके गाउँपालिकामा महिला जनप्रतिनिधि तथा अगुवा महिलाहरुको लागि क्षमता विकास प्रक्षिण कार्यक्रम चलिरहेको छ ।

महिलाबाटै निर्वाचित भएकाले पालिका भित्रका सबै महिलाहरुलाई सक्षम बनाउने उदेश्यले उक्त कार्यक्रम संञ्चालन भएको गाउँपालिका अध्यक्ष मिना कार्की बस्नेतले बताउनुभयो ।

महिला सशक्तीकरणको विषय केवल महिलाको मात्र मुद्दा होइन, यसका लागि महिला र पुरुष दुवैको समान र सक्रिय भूमिका आवश्यक रहेको तालिममकी प्रशिक्षक डा रेणुका सोलुले बताउनुभयो । साथै उहाँलृ महिलाहरु चुलो चौकामा मात्र सिमित नभई एक सक्षम बाटोबाट हिड्नपर्नेम जोड दिनुभयो ।

यस्तै गाउँपालिकाका प्रमुख प्रशासकिय अधिकृत काजिमान राईले पालिकाको निति निर्माणमै महिला समावेशितालाई अवलम्बन गरि काम गरिरहेको बताउनुभयो ।
उक्त प्रशिक्षण कार्यक्रममा पालिका अध्यक्ष मिना कार्की बस्नेत, प्रमुख प्रशासकीय अधिकृत काजिमान राई, प्रशिक्षक डा. रेणुका सोलु, प्रशिक्षक सृजना तामाङ, रेडियो एभरेष्टका प्रबन्ध निर्देशक भानुभक्त निरौला , सिधा प्रेसका सम्पादक तथा जनता टेलिभिजनका सम्बाददाता बिष्णु खड्का , महिला तथा बालबालिका शाखाका प्रमुख बन्दना भट्टराई , लगायतको उपस्थिती रहेको थियो ।