लालिगुँरास मिलिजुली अपांग समुहका अध्यक्ष साङ्गे शेर्पाको अध्यक्षता तथा वडा न १ का वडा अध्यक्ष मिङमर गेल्जे शेर्पाको प्रमुख आतिथ्यतामा सम्पन्न कार्यक्रममा अपांगता सम्बन्धी विभिन्न बिषयमा करुणा फाउन्डेसन नेपाल लिखुपिके गाउँपालिका संयोजक दिवश सुबेदिले जनाकारी गराउनु भएको थियो ।
त्यस्तै महिला बालबालिका शाखा प्रमुख बन्दना भट्टराईले उक्त समुहका सदस्यहरुलाई योगा सम्बन्धि ज्ञान समेत प्रदान गर्दै अपांगता भएका ब्यक्तिहरुले हरेक समस्याहरु महिला शाखामा राख्न कुनै अपठ्यारो नमान्न आग्रह गर्नुभयो । साथै उहाँले सहभागिहरुलाई केही समय योगा ध्यान समेत गराउनुभयो ।

त्यस्तै वडा न १ का वडा अध्यक्ष मिङमर गेल्जे शेर्पाले करुणा फाउन्डेसन नेपालले प्रदेश गाउँपालिकाको त्रिपक्षिय साझेदारीमा लिखुपिकेमा अपाङ्गताको क्षेत्रमा राम्रो कार्य गर्दै आएको बताउँदै आगामी दिनमा पनि अपांगताको क्षेत्रमा विभिन्न ब्यबसायिमुखि कामहरु गर्न आग्रह गरे । कार्यक्रममा वडा न १ वडा सदस्य वडा सदस्य स्वास्थ्यकर्मी,शिक्षक लगायतको उपस्थिति रहेको थियो ।

यस्तै प्रकारको कर्यक्रम लिखुपिकेका सबै वडाहरु सञ्चालन हुने क्रममा यस अघि वडा न २ र ४ सम्पन्न भइसकेको महिला तथा बालबालिका शाखा प्रमुख बन्दना भट्टराईले बताउनुभयो ।