सोलुखुम्बु-नेपालमा लघुवित्तले तीन दशक लामो यात्रा पुरा गरी सकेको छ । लघुवित्त संस्थाहरुले गाउँ गाउँमा विपन्न बर्गको दैलोदैलो चाहारी महिलामा जागरण ल्याउने अभियान संचालन गरी रहेका छन् । पुरुषलाई भन्दा वढी महिलालाई प्राथमितामा राखेर कर्जा प्रवाह र बचत संकलन गर्ने जस्तो कार्यमा महिलाहरुलाई संलग्न गराई स–साना व्यवसाय संचालन गर्न उत्पेरित गर्दै आएका छन् । महिलालाई दिएको कर्जा सदुपयोग मात्र हुने नभै यसबाट सिङ्गो परिवारनै लाभान्वीत भएको र कर्जा शतप्रतिशतनै फिर्ता भुक्तानी हुने गरेको पाइएको छ ।

ग्रामीण भेगका विपन्न महिलाहरुको सशक्तिकरणमा लघुवित्त क्षेत्रको योगदानको लागि स्वाच्छ लघवित्त हाम्रो अभियान भन्ने उदेश्य सहित स्वावालम्बन लघुवित्त वित्तीय संस्था लिमिटेड उपशाखा जिरी दोलखा द्वारा एकदिने वित्तीय सारक्षरता कार्यक्रम लिखुपिके गाउँपालिका वडा न ५ भकान्जे किन्जा बजारमा सम्पन्न भएको छ । कार्यक्रममा बित्तिय साक्षरता के हो ?,कर्जा के हो ? कर्जा किन लिने? कस्तो अबस्थामा कर्जा लिने,कर्जा लिनुभन्दा पुर्ब बिचार गर्नुपर्ने कुराहरु लगायतको बिषयमा स्वावालम्बन लघुवित्त वित्तीय संस्था लिमिटेड उपशाखा जिरी दोलखा शाखा प्रबन्धक रोशन अधिकारीले जानाकारी गराउनुभयो ।