सोलुखुम्बु-लिखुपिके गाउँपालिकामा शिक्षा योजना निर्माण कार्यशाला गोष्ठी सम्पन भएको छ । पालिकाको आयोजना तथा रीड नेपालको प्राविधिक सहयोग तथा सहकार्यमा संचालित कार्यशालाको समापन गाउँपालिका अध्यक्ष मिना कार्की (बस्नेत) ले गर्नु भएको थियो।

कार्यक्रममा बोल्दै अध्यक्ष बस्नेतले शिक्षा योजना निर्माणले लिखुपिकेको शैक्षिक सुधार हुने विश्वास व्यक्त गर्दै रीड नेपालको शिक्षा क्षेत्रको भुमिका अतुलनीय रहेको भन्दै धन्यवाद दिनु भयो । समापन कार्यक्रममा सहभागीको तर्फबाट मन्तव्य राख्दै पुण्य केसीले कार्यशालाले शिक्षा क्षेत्रको महत्त्वपूर्ण विश्लेषण भएकोले शिक्षा योजना राम्रो हुने विश्वास व्यक्त गर्नु भयो । कार्यक्रममा वडा न ४ का वडा अध्यक्ष हिक्मत बहादुर बस्नेतले बनेका शिक्षा योजना आगामी दिनमा पुर्ण कार्यन्वयन गराउन गाउँपालिका लाग्नुपर्नेमा जोड दिनुभयो ।

कार्यक्रममा बिज्ञान तथा प्रबिधी मन्त्रालयका उप- सचिब मेघनाथ शर्माले ३ दिने कार्यशालामा आएका बिषयहरुलाई बैशाखको अन्तिमसम्म आगामी ५ बर्षे शिक्षा योजनाको प्रोफाइल तयार हुँने बताउनुभयो । त्यस्तै यो कार्याशाला फलदायि भएको पनि बताउनुभयो । कार्यक्रममा धन्यवाद ज्ञापन गर्दै रीड नेपालका मुल्यांकन अनुगमन प्रबन्धक उपेन्द्रराज जोसीले योजना सँगै कार्यन्वयन महत्त्वपूर्ण हुने बताउनु भयो । सहभागी सबैलाई धन्यवाद ग्यापन गर्दै रीड नेपाल लिखुपिके गाउँपालिका शिक्षा बिकास अधिकृत राजिव ढुङ्गानाले ३ दिने कार्यशाला महत्त्वपूर्ण भएको विश्वास व्यक्त समेत गर्नुभयो ।

कार्यक्रममा आगामी ५ वर्षे शिक्षाको गुणस्तर कंहा पुर्याउने भन्ने दूरदृष्टि सहितको योजना तयार गरेको लिखुपिके गाउँपालिका शिक्षा संयोजक रेखराज बस्नेतले बताउनुभयो ।