सोलुखुम्बु:सोलुखुम्बुबाट सत्तारुढ गठबन्धनका तर्फबाट प्रतिनिधिसभा सदस्य पदका उम्मेदवार कांग्रेसका बलबहादुर केसीलाई नेपाली काँग्रेसका युवा नेता तथा तरुण दल लिखुपिकेका युवाहरुले ५५ केजीको मालाले स्वागत गरेका छन । चुनाबी सभाको क्रममा लिखुपिकेमा पुगेका गठबन्धन काग्रेसका प्रतिनिधि उम्मेदवार केसीलाई जितको शुभकामनाको निम्ति उक्त माला लगाइएको काँग्रेस युवा नेता सरोज बस्नेतले बताए ।
चुनावी कार्यक्रममा मतदातालाई उम्मेदवार केसीले जिताउनुस बिकासले हराबरा बनाउने आश्वसन समेत ब्यक्त गरेका छन । त्यस्तै आफुलाई जिताएमा पुरस्कार स्वरुप लिखुपिकेलाई १० करोड रकम दिने समेत बताएका छन । चुनाबी सभालाई सम्बोधन गर्दै गठबन्धनको तर्फबाट प्रदेश सभा ख का उम्मेदवार शिब बहादुर बस्नेत(राजेन्द्र) ले गठबन्धनलाई जिताएमा बिकासले फड्को मार्ने बताउँदै अझै पनि लिखुपिकेका नागारिकहरुले बिकासको महसुस गर्न नसकेको कुरा ओैल्याउँदै जिताउँनुस शासक हैन सेवक बन्ने बताए । साथै आफु निर्बाचित भएमा नयाँ भिजन अनुसार काम गर्ने बताए । कार्यक्रममा निबर्तमान सांसद हेम कुमार राई , समानुपातिक उम्मेदवार डोल्मा तामाङ, लगायत सयुक्त गठबन्धनका नेता तथा कार्यकर्ताहरुको उपस्थिति रहेको थियो । निर्वाचन आचारसंहितामा भोजभतेर गर्न नपाउने भएपनि भोज भतेर समेत गरेको देखिन्थ्यो।